"Tottenxem" texnik direktori Yoxan Lange yanvar oyi oxirida "Barselona"dan sotib olgan yarim himoyachi Lukas Bergvallning istiqboliga baho berdi.

18 yoshli shved futbolchisi mavsum oxirigacha ijara asosida "Yurgorden"da qoldi. Futbolchi kelasi yozda "Tottenxem"ga o‘tadi.

“Birinchidan, biz sayyoradagi eng yaxshi iqtidorlar uchun manzil bo‘lishni xohlaymiz. Lukas yetuk futbolchi, garchi u yaqinda 18 yoshga kirgan bo‘lsa ham.

U to‘pni juda yaxshi egallaydi, o‘yinni nazorat qila oladi, shuningdek, o‘zining ish uslubi bilan ham ajralib turadi.

Uning yoshida Lukas nafaqat yaxshi mahoratga ega, balki uni kuchli qo‘llab-quvvatlaydigan mehribon oila va muhitga ham ega.

Bergvall katta salohiyatga ega. U yozda jamoaga qo‘shiladi va asosiy jamoaning bir qismi bo‘ladi", - deya Langening so‘zlarini keltirmoqda The Spurs Express.