"Тоттенхэм" техник директори Йохан Ланге январь ойи охирида "Барселона"дан сотиб олган ярим ҳимоячи Лукас Бергваллнинг истиқболига баҳо берди.
18 ёшли швед футболчиси мавсум охиригача ижара асосида "Юргорден"да қолди. Футболчи келаси ёзда "Тоттенхэм"га ўтади.
“Биринчидан, биз сайёрадаги энг яхши иқтидорлар учун манзил бўлишни хоҳлаймиз. Лукас етук футболчи, гарчи у яқинда 18 ёшга кирган бўлса ҳам.
У тўпни жуда яхши эгаллайди, ўйинни назорат қила олади, шунингдек, ўзининг иш услуби билан ҳам ажралиб туради.
Унинг ёшида Лукас нафақат яхши маҳоратга эга, балки уни кучли қўллаб-қувватлайдиган меҳрибон оила ва муҳитга ҳам эга.
Бергвалл катта салоҳиятга эга. У ёзда жамоага қўшилади ва асосий жамоанинг бир қисми бўлади", - дея Лангенинг сўзларини келтирмоқда The Spurs Express.
