"Atletiko Madrid" bosh murabbiyi Diyego Simeone jamoaning so‘nggi natijalaridan xavotirda emasligini aytdi.
"Agar biz hozirgidek o‘ynamasak, tashvishlanardim. Men futbolchilarning maydonda qilayotgan ishlaridan faxrlanaman, ishonchim komilki, gollar oxir-oqibat keladi. Albatta, bizni hali qiladigan ishlar ko‘p - oldinda Chempionlar ligasi, Qirol kubogi va kuchli to‘rtlik uchun kurash bor", - deya Simeone so‘zlarini keltiradi Marca.
11 fevral kuni “Atletiko” Ispaniya chempionati 24-turi doirasida “Sevilya”ga 0:1 hisobida imkoniyatni boy berdi. 7 fevralda Simeone shogirdlari Ispaniya kubogi doirasida "Atletik"ga (0:1) mag‘lub bo‘lishgandi.
"Atletiko" ayni damda 48 ochko bilan La Liga turnir jadvalida 4-o‘rinda bormoqda.
