"Атлетико Мадрид" бош мураббийи Диего Симеоне жамоанинг сўнгги натижаларидан хавотирда эмаслигини айтди.

"Агар биз ҳозиргидек ўйнамасак, ташвишланардим. Мен футболчиларнинг майдонда қилаётган ишларидан фахрланаман, ишончим комилки, голлар охир-оқибат келади. Албатта, бизни ҳали қиладиган ишлар кўп - олдинда Чемпионлар лигаси, Қирол кубоги ва кучли тўртлик учун кураш бор", - дея Симеоне сўзларини келтиради Marca.

11 февраль куни “Атлетико” Испания чемпионати 24-тури доирасида “Севилья”га 0:1 ҳисобида имкониятни бой берди. 7 февралда Симеоне шогирдлари Испания кубоги доирасида "Атлетик"га (0:1) мағлуб бўлишганди.

"Атлетико" айни дамда 48 очко билан Ла Лига турнир жадвалида 4-ўринда бормоқда.