"Manchester Yunayted" hujumchisi Antoni Marsyal joriy mavsum yakunlanganidan keyin Italiyaga o‘tishi mumkin.
“Qizil iblislar” fransiyalik futbolchining kelasi yozda tugaydigan shartnomasini uzaytirmaydi, shu bois futbolchi erkin agent sifatida yangi klub izlashi mumkin bo‘ladi. Calciomercato xabariga ko‘ra, "Yuventus" Marsyal uchun da’vogarlar ro‘yxatiga qo‘shildi. Avvalroq, 28 yoshli forvardning "Monako"ga qaytishi mumkinligi haqida xabarlar paydo bo‘lgandi.
Antoni Marsyal joriy mavsumda Erik ten Xag jamoasi safida 19 ta o‘yinda maydonga tushib, 2 ta gol va 2 ta golli uzatmaga mualliflik qilgan.