"Манчестер Юнайтед" ҳужумчиси Антони Марсьяль жорий мавсум якунланганидан кейин Италияга ўтиши мумкин.
“Қизил иблислар” франциялик футболчининг келаси ёзда тугайдиган шартномасини узайтирмайди, шу боис футболчи эркин агент сифатида янги клуб излаши мумкин бўлади. Calciomercato хабарига кўра, "Ювентус" Марсьяль учун даъвогарлар рўйхатига қўшилди. Аввалроқ, 28 ёшли форварднинг "Монако"га қайтиши мумкинлиги ҳақида хабарлар пайдо бўлганди.
Антони Марсьяль жорий мавсумда Эрик тен Хаг жамоаси сафида 19 та ўйинда майдонга тушиб, 2 та гол ва 2 та голли узатмага муаллифлик қилган.