"Napoli" sardori Jovanni di Lorenso "Barselona"ga qarshi o‘yin oldidan jamoadagi vaziyat haqida o‘z fikrini aytdi. Neapolliklar Chempionlar ligasi 1/8 finalining birinchi o‘yini boshlanishi arafasida murabbiylar tarkibini o‘zgartirishga qaror qilishdi.
“Albatta, bir mavsumda uchinchi marta murabbiy almashishi vaziyat unchalik yaxshi emasligidan dalolat beradi. Har birimiz javobgarmiz. Massarri bilan hammasi shu tarzda sodir bo‘lganidan juda afsusdaman. Yangi murabbiy ishini katta ishtiyoq bilan boshladi. Oldinda hali ko‘p o‘yinlar bor, biz hammasini o‘zgartirishimiz mumkin. Balki hozir hammasini o‘zgartiradigan burilish nuqtasidir", - dedi di Lorenso o‘yinoldi matbuot anjumanida.
