"Bayer" Xabi Alonso uchun belgilgan tovon puli miqdori ma’lum bo‘ldi.
Avvalroq, "Bavariya" ispaniyalik murabbiyni mavsum yakunida myunxenliklar bosh murabbiyligidan ketadigan Tomas Tuxel o‘rnini egallash uchun ustuvor vazifa deb hisoblayotgani haqida xabar berilgandi.
Jurnalist Kristofer Mishelning so‘zlariga ko‘ra, Alonsoning "Bayer" bilan shartnomasida ko‘rsatilgan tovon puli 15-20 million yevroni tashkil etadi va may oyi oxirida faollashtirilishi mumkin.
Qayd etilishicha, ayni damda “Bavariya” Alonso bilan faqat agenti orqali bog‘langan. Shu bilan birga, ispaniyalik bor e’tiborini “Bayer” bilan chempionlikni qo‘lga kiritishga qaratilgan va jamoaga ta’sir qilishi mumkin bo‘lgan xatolardan qochishni istaydi.
Joriy mavsumda Xabi Alonso boshchiligidagi “Bayer” Bundesligada “Bavariya”dan 8 ochko oldinda bormoqda.
