“Inter” himoyachisi Denzel Dyumfris faoliyatini Angliya Premyer-ligasida davom ettirishi mumkin. Bu haqda Tuttosport xabar bermoqda.

Manbaga ko‘ra, "Manchester Yunayted" futbolchining xizmatlariga qiziqish bildirmoqda. "Inter" o‘z futbolchisining moliyaviy talablari yuqori bo‘lgani uchun u bilan shartnomani uzaytirish niyatida emas.

Himoyachi xizmatlariga “Aston Villa” va “Bavariya” ham qiziqish bildirayotgani haqida avvalroq xabar berilgan edi. Joriy mavsumda 27 yoshli Dyumfris “Inter” safida 24 ta o‘yinda maydonga tushib, 3 ta gol urdi va 5 ta golli uzatmani amalga oshirdi.