"Yuventus" hujumchisi Matias Sule yozgi transfer oynasida katta summaga sotilishi mumkin.

Argentinalik futbolchi joriy mavsumni ijara asosida "Frozinone"da o‘tkazmoqda. Forvard yozda "Yuventus"ga qaytadi, ammo uning Turin klubidagi kelajagi noma’lumligicha qolmoqda. 20 yoshli futbolchiga talab bor, bundan "Byankonerilar" rahbariyati foydalanishi mumkin: Tuttosport xabariga ko‘ra, ular o‘sib borayotgan yulduz uchun taxminan 40-50 million yevro ishlab olmoqchi. Shu bilan birga, agar ma’qbul takliflar kelib tushmasa, futbolchi "keksa sinyora"ning asosiy jamoasida imkoniyatni qo‘lga kiritishi mumkin.

Matias Sule joriy A Seriyada 24 ta o‘yinda 10 ta gol urdi va 2 ta golli uzatmani amalga oshirdi.