"Arsenal" Chempionlar ligasi doirasida "Bavariya"ga qarshi so‘nggi uchta o‘yinda 15 ta gol o‘tkazib yuborgan.
Shveysariyaning Nyon shahrida Chempionlar ligasining 1/4 final bosqichiga qur’a tashlash marosimi bo‘lib o‘tdi. Londonning “Arsenal” klubi Myunxenning “Bavariya” jamoasiga qarshi bahs olib boradigan bo‘ldi.
Jamoalarning Chempionlar ligasidagi so‘nggi uchta uchrashuvi “kanonirlar”ning 1:5 hisobida yirik mag‘lubiyati bilan yakunlangan. 2016/17 yilgi mavsumda "Bavariya" 1/8 finalda raqiblarini ikki marta mag‘lub etgandi. 2015/16 yilgi mavsumda raqiblar guruh bosqichida to‘qnash kelishgan, 4-turda myunxenliklar 5:1 hisobida zafar quchgan, 3-turda "Arsenal" 2:0 hisobida zafar quchgan.
Bu turnirda jamoalar o‘zaro 12 ta o‘yin o‘tkazgan: 7 tasida “Bavariya”, 3 tasida “Arsenal” g‘alaba qozongan, yana ikkita o‘yin durang bilan yakunlangan.
