"Арсенал" Чемпионлар лигаси доирасида "Бавария"га қарши сўнгги учта ўйинда 15 та гол ўтказиб юборган.
Швейцариянинг Ньон шаҳрида Чемпионлар лигасининг 1/4 финал босқичига қуръа ташлаш маросими бўлиб ўтди. Лондоннинг “Арсенал” клуби Мюнхеннинг “Бавария” жамоасига қарши баҳс олиб борадиган бўлди.
Жамоаларнинг Чемпионлар лигасидаги сўнгги учта учрашуви “канонирлар”нинг 1:5 ҳисобида йирик мағлубияти билан якунланган. 2016/17 йилги мавсумда "Бавария" 1/8 финалда рақибларини икки марта мағлуб этганди. 2015/16 йилги мавсумда рақиблар гуруҳ босқичида тўқнаш келишган, 4-турда мюнхенликлар 5:1 ҳисобида зафар қучган, 3-турда "Арсенал" 2:0 ҳисобида зафар қучган.
Бу турнирда жамоалар ўзаро 12 та ўйин ўтказган: 7 тасида “Бавария”, 3 тасида “Арсенал” ғалаба қозонган, яна иккита ўйин дуранг билан якунланган.
