Braziliya terma jamoasida debyut qilgan Bento Krepski yozda "Inter"ga o‘tishi mumkin.
Tuttosport'ning xabar berishicha, milanliklar darvozabonni uzoq vaqtdan beri kuzatib kelishgan va uni "Atletiko Paranayense"dan sotib olishga qaror qilishgan.
Futbolchining o‘zi Italiyaga ko‘chib o‘tishga rozi, endi u klub bilan kelishib olishi kerak.
24 yoshli futbolchining shartnomasida tovon puli 60 million yevro qilib belgilangan, ammo “neradzurrilar” transfer xarajatlari bonuslar bilan birga 15 million yevrodan oshmasligi kerak deb hisoblamoqda.
