"Bavariya" yozda bosh murabbiyini almashtiradi. Tomas Tuxel mavsum oxirida o‘z lavozimini tark etishi fevral oyida e’lon qilingan edi.
Germaniyaning Sky nashri xabar berishicha, "Bavariya" uchun "A" rejasi "Bayer" boshqaruvida ajoyib mavsumni o‘tkazayotgan Xabi Alonso bo‘lib qolmoqda. Agar klub ispaniyalikni qo‘lga kirita olmasa, myunxenliklar "Brayton"dan Roberto de Zerbi variantiga o‘tadi. Aynan italiyalik mutaxassisi Bundesliga giganti uchun B rejasi sanaladi. Shu bilan birga, takidlanishicha, de Zerbi endi bor e’tiborini "Brayton"da ishlashga qaratgan – u boshqa klublar bilan muzokaralar olib bormayapti.
