"Бавария" ёзда бош мураббийини алмаштиради. Томас Тухель мавсум охирида ўз лавозимини тарк этиши февраль ойида эълон қилинган эди.
Германиянинг Sky нашри хабар беришича, "Бавария" учун "А" режаси "Байер" бошқарувида ажойиб мавсумни ўтказаётган Хаби Алонсо бўлиб қолмоқда. Агар клуб испанияликни қўлга кирита олмаса, мюнхенликлар "Брайтон"дан Роберто де Зерби вариантига ўтади. Айнан италиялик мутахассиси Бундеслига гиганти учун Б режаси саналади. Шу билан бирга, такидланишича, де Зерби энди бор эътиборини "Брайтон"да ишлашга қаратган – у бошқа клублар билан музокаралар олиб бормаяпти.
