"Liverpul"ning sobiq futbolchisi Grem Suness yarim himoyachi Pol Pogba haqida gapirdi.
Fransiyalik futbolchi yaqinda doping ishlatgani uchun 4 yilga diskvalifikasiya qilindi. Sunessning so‘zlariga ko‘ra, Pogbaning futbolchi sifatidagi muammosi uning o‘zini yaxshilash uchun jiddiy harakat qilmaganida edi.
"Pogbadan hafsalam pir bo‘ldi, chunki u ulkan iste’dod va jismoniy sifatga ega edi, lekin yomon munosabatda edi. U yetarlicha mehnat qilmadi. Uning boshiga tushishi mumkin bo‘lgan eng yomon narsa yoshligida jahon chempionligini qo‘lga kiritish edi. Bu unga ulkan, qulay stulga mahkam o‘tirishga imkon berdi. U endi qattiq mashq qilishga moyil emas edi. Men unga nima bo‘lganini yoqtirmayman, chunki u nihoyatda qobiliyatli edi. U jahon futbolidagi eng buyuk yarim himoyachilardan biriga aylanish uchun hamma narsaga ega edi. Ammo, afsuski, u doping tarixi bilan yodda qoladi" - dedi Suness The Telegraph nashriga.
