30 mart, shanba kuni Saudiya Arabistoni oliy ligasining 25-turida “An-Nasr” o‘z maydonida “At-Tai”ni mag‘lub etdi – 5:1.
Mezbonlar hujumchisi Krishtianu Ronaldu butun o‘yinni maydonda o‘tkazdi va xet-trik qayd etdi. Shu tariqa, 39 yoshli portugaliyalik chempionat tarixida bir mavsumda 35 ta golda ishtirok etgan ikkinchi futbolchiga aylandi – Krishtianu 26 ta gol urdi va 9 ta golli uzatmani amalga oshirdi.
Bu borada rekord "Al-Ittihod" hujumchisi Abderrazaq Amdallaga tegishli. U 2018/19 yilgi mavsumda 43 ta golda qatnashgan - 34 ta gol urdi va 9 ta golga assistentlik qildi.
Chempionat tugashiga 9 ta o‘yin qoldi, marokashlik futbolchining rekordini yangilash uchun Krishtianu 9 ta golda ishtirok etishi kerak.
