30 март, шанба куни Саудия Арабистони олий лигасининг 25-турида “Ан-Наср” ўз майдонида “Ат-Таи”ни мағлуб этди – 5:1.
Мезбонлар ҳужумчиси Криштиану Роналду бутун ўйинни майдонда ўтказди ва хет-трик қайд этди. Шу тариқа, 39 ёшли португалиялик чемпионат тарихида бир мавсумда 35 та голда иштирок этган иккинчи футболчига айланди – Криштиану 26 та гол урди ва 9 та голли узатмани амалга оширди.
Бу борада рекорд "Ал-Иттиҳод" ҳужумчиси Абдерразақ Амдаллага тегишли. У 2018/19 йилги мавсумда 43 та голда қатнашган - 34 та гол урди ва 9 та голга ассистентлик қилди.
Чемпионат тугашига 9 та ўйин қолди, марокашлик футболчининг рекордини янгилаш учун Криштиану 9 та голда иштирок этиши керак.
