Angliya Premyer-ligasining 30-turi doirasida “Liverpul” o‘z maydonida “Brayton”ni qabul qildi. Uchrashuv Yurgen Klopp shogirdlarining 2:1 hisobidagi minimal g‘alabasi bilan yakunlandi.
Mersisayd klubi matbuot xizmati xabariga ko‘ra, "Enfild"ga tashrif buyurish rekordi so‘nggi o‘yinda o‘rnatildi. Uchrashuvga 60 061 muxlis tashrif buyurdi. Arenaning umumiy sig‘imi 61 276 tomoshabinni tashkil etadi.
G‘alaba evaziga “Liverpul” Angliya chempionati turnir jadvalida yana birinchi o‘ringa chiqib oldi. Mersisaydliklar ikkinchi o‘rindagi Londonning “Arsenal” jamoasidan ikki ochko oldinda.
