Англия Премьер-лигасининг 30-тури доирасида “Ливерпуль” ўз майдонида “Брайтон”ни қабул қилди. Учрашув Юрген Клопп шогирдларининг 2:1 ҳисобидаги минимал ғалабаси билан якунланди.
Мерсисайд клуби матбуот хизмати хабарига кўра, "Энфилд"га ташриф буюриш рекорди сўнгги ўйинда ўрнатилди. Учрашувга 60 061 мухлис ташриф буюрди. Аренанинг умумий сиғими 61 276 томошабинни ташкил этади.
Ғалаба эвазига “Ливерпуль” Англия чемпионати турнир жадвалида яна биринчи ўринга чиқиб олди. Мерсисайдликлар иккинчи ўриндаги Лондоннинг “Арсенал” жамоасидан икки очко олдинда.
