"Manchester Siti" vingeri Jek Grilish nega boshqa jamoalar muxlislaridan doimo hushtaklar qabul qilishini tushunmayapti.
“Men har doim raqib muxlislari nega menga har doim hushtak chalishlariga hayron bo‘lardim. Onam mendan bu haqda tez-tez so‘raydi. Rostini aytsam, sababini bilmayman. Har safar o‘yinda tribunalar menga hushtak chaladi, lekin negaligini bilmayman. Men buni iltifot sifatida qabul qilishga harakat qilaman", - deydi Grilish.
Jek 2021 yilning yozida "Aston Villa"dan "Manchester Siti"ga o‘tgan edi. O‘shanda angliyalik futbolchi Premyer-liga tarixidagi eng qimmat futbolchiga aylandi. Transfer summasi 117,5 million yevroni tashkil qildi.