Turinning “Yuventus” klubi hujumchisi Federiko Kyezadan ayrilishni istamayapti. La Gazette Dello Sport xabariga ko‘ra, "keksa sinyora" italiyalik futbolchi bilan 2026 yilgacha mo‘ljallangan yangi shartnoma imzolamoqchi.
Eslatib o‘tamiz, Kyezaning "Yuventus" bilan amaldagi shartnomasi keyingi mavsum oxirida yakuniga yetadi. Turin jamoasi o‘zini xavf ostiga qo‘yib, Federikoni kelayotgan yozda arzonlashtirilgan narxda sotishni istamaydi. Shu sababdan rahbariyat italiyalik futbolchiga amaldagi shartlar bo‘yicha, biroq atigi bir mavsum uzaytirilgan shartnoma taklif qilishga tayyor.
Kyeza ushbu Italiya chempionatida 7 ta gol urdi va bitta golli uzatmani amalga oshirdi.
