Rossiyaning «Rubin» klubi himoyachisi Rustam Ashurmatov «Match TV» kanaliga bergan intervyusida O‘zbekiston terma jamoasi hujumchisi Eldor Shomurodov haqida o‘z fikrini bildirib o‘tdi.

— O‘zbekistonda RPL o‘yinlarini kuzatib borishadimi?
— Kuzatishadi. Mengacha bu yerda Eldor Shomurodov, Odil Ahmedov kabi o‘zbek futbolchilari to‘p tepgan.

— Shomurodov bilan gaplashib turasizmi?
— Ha, u mening eng yaqin do‘stim. Birga Milliy jamoada o‘ynaymiz. Shuningdek, Fayzullayev bilan ham gaplashib turamiz. Shomurodov Italiya haqida so‘zlab beradi. U yaqinda jarohatidan tiklandi. U barchamiz uchun namuna, albatta. Eldor Rossiyadan chiqib, Yevropaga yo‘l oldi. Bizda ham bunday imkoniyat mavjud. U boshqacha darajadagi o‘yinchi ekani mashg‘ulotlarda seziladi.

— Siz esa Yevropadagi sevimli chempionat qaysi?
— Hozircha bu haqda gapirishga erta. Albatta, eng yaxshi ligalarda o‘ynashni istardim, ammo hozircha «Rubin»da o‘zimni yaxshi his qilyapman.