Россиянинг «Рубин» клуби ҳимоячиси Рустам Ашурматов «Матч ТВ» каналига берган интервьюсида Ўзбекистон терма жамоаси ҳужумчиси Элдор Шомуродов ҳақида ўз фикрини билдириб ўтди.

— Ўзбекистонда РПЛ ўйинларини кузатиб боришадими?
— Кузатишади. Менгача бу ерда Элдор Шомуродов, Одил Аҳмедов каби ўзбек футболчилари тўп тепган.

— Шомуродов билан гаплашиб турасизми?
— Ҳа, у менинг энг яқин дўстим. Бирга Миллий жамоада ўйнаймиз. Шунингдек, Файзуллаев билан ҳам гаплашиб турамиз. Шомуродов Италия ҳақида сўзлаб беради. У яқинда жароҳатидан тикланди. У барчамиз учун намуна, албатта. Элдор Россиядан чиқиб, Европага йўл олди. Бизда ҳам бундай имконият мавжуд. У бошқача даражадаги ўйинчи экани машғулотларда сезилади.

— Сиз эса Европадаги севимли чемпионат қайси?
— Ҳозирча бу ҳақда гапиришга эрта. Албатта, энг яхши лигаларда ўйнашни истардим, аммо ҳозирча «Рубин»да ўзимни яхши ҳис қиляпман.