Italiya chempionati 31-turining so‘nggi uchrashuvida Milanning “Inter” jamoasi “Udineze” ustidan irodali g‘alabaga erishib, chempionat jadvalidagi peshqadamligini mustahkamladi. Statistik ma’lumotlarga ko‘ra, "Inter" chempionat boshlanganidan beri ketma-ket 31 ta o‘yinda gol urdi.
Bu Italiya chempionatining yangi rekordidir, Italiyada hech kim ketma-ket 31 ta turda gol ura olmagan. Hozirda klub hisobida 75 ta gol mavjud. Taqqoslash uchun, 3 va 4-o‘rinlarda borayotgan "Yuventus" va "Bolonya" klublari atigi 45 tadan gol urishgan.
Italiya A seriyasining navbatdagi turida Milanning “Inter” klubi “Kalyari”ga qarshi maydonga tushadi.
