Италия чемпионати 31-турининг сўнгги учрашувида Миланнинг “Интер” жамоаси “Удинезе” устидан иродали ғалабага эришиб, чемпионат жадвалидаги пешқадамлигини мустаҳкамлади. Статистик маълумотларга кўра, "Интер" чемпионат бошланганидан бери кетма-кет 31 та ўйинда гол урди.

Бу Италия чемпионатининг янги рекордидир, Италияда ҳеч ким кетма-кет 31 та турда гол ура олмаган. Ҳозирда клуб ҳисобида 75 та гол мавжуд. Таққослаш учун, 3 ва 4-ўринларда бораётган "Ювентус" ва "Болонья" клублари атиги 45 тадан гол уришган.

Италия А сериясининг навбатдаги турида Миланнинг “Интер” клуби “Кальяри”га қарши майдонга тушади.