Каталониянинг «Барселона» клубида тўп тепаётган испаниялик ярим ҳимоячи Фермин Лопес фаолиятини Европанинг бошқа бир топ-клубида давом эттириш вариантига эга. Бу ҳақда «El Nacional» журналистлари хабар бермоқда.
Манбанинг маълумотларига кўра, хавбекни ўз сафига қўшиб олишни УЕФА Чемпионлар лигасининг амалдаги ғолиби – Франциянинг «ПСЖ» клуби хоҳламоқда. Парижликлар Фермин билан жорий трансфер ойнасида шартнома имзолашни режалаштирмоқда.
23 ёшли ярим ҳимоячи 2023 йилнинг ёзидан буён «кўк-анорранглилар» сафида ҳаракат қилмоқда. Томонлар ўртасидаги амалдаги шартнома муддати 2031 йилнинг июнь ойи охирида ўз ниҳоясига етади. «Transfermarkt» портали экспертлари Лопеснинг бозор қийматини 100 миллион еврога баҳоламоқда.
