Франция терма жамоаси ҳужумчиси Килиан Мбаппе аргентиналик Лионель Мессининг жаҳон чемпионатларидаги рекорд натижасига ўз фикрини билдирди. 38 ёшли ҳужумчи 18 та гол уриб, германиялик Мирослав Клозени ортда қолдирган ҳолда мундиаллар тарихидаги энг яхши тўпурарга айланди.
«Месси тез-тез гол уради. У буни уддалай олади ва шундай қилишда давом этади. Агар мен доимий равишда уни кузатиб борганимда, янада кўпроқ ҳаракат қилишга мажбур бўлардим. Лекин мен бунга ўралашиб қолмаганман. Менинг хаёлим фақат ўз жамоамга қандай ёрдам беришда», — дея футболчининг сўзларини келтиради «Tyc Sports».
ЖЧ-2026 даги иккита ўйинда Месси бешта гол муаллифига айланди. Мбаппе ҳисобида эса тўртта гол мавжуд.
