«Вест Хэм» ярим ҳимоячиси Матеуш Фернандеш ўз келажаги борасида бир қарорга келди.
«Diario AS» нашрининг маълумотларига кўра, португалиялик футболчи «Реал»га ўтмайди – хавбекнинг Мадрид клубига эҳтимолий трансфери билан боғлиқ ҳикоя якунланди. «Қаймоқранглилар» томонидан бўлган қизиқишга қарамай, Фернандеш португалияликни ўз таркибига қўшиб олишга тайёр бўлган «Тоттенхэм»га ўтишни афзал кўрмоқда.
Матеуш Фернандеш 2025 йилда «Саутгемптон»дан «Вест Хэм»га 44 миллион евро эвазига ўтган эди. Унинг Лондон клуби билан шартномаси 2030 йилнинг 30 июнига қадар мўлжалланган. 2025/26 йилги мавсумда португалиялик футболчи «болғачилар» сафида барча турнирларда 42 та ўйин ўтказиб, бешта гол урди ва бешта голли узатмани амалга оширди.
«Transfermarkt» портали Фернандешнинг қийматини 50 миллион еврога баҳоламоқда.
