«Барселона» «Атлетико» ҳужумчиси Хулиан Альварес билан шартнома имзолашга бўлган уринишларини давом эттирмоқда.
Журналист Карлос Монфортнинг маълумотларига кўра, Каталония клуби аргентиналик футболчи учун 130 миллион евро миқдорида таклиф тайёрламоқда. «Кўк-анорранглилар» раҳбарияти энг қийин қадам ташлаб бўлинди деб ҳисобламоқда: футболчи трансферга бўлган истагини оммавий равишда билдирди. Энди музокаралар ҳал қилувчи босқичга кирмоқда.
«Барселона» «Атлетико»нинг эътирозларини трансферга бўлган ҳақиқий таҳдид эмас, шунчаки муҳим футболчисини йўқотиш хавфига нисбатан табиий реакция деб баҳоламоқда. Каталония клуби «ПСЖ» ва «Арсенал» томонидан бўлган қизиқишларга қарамай, «кўк-анорранглилар» сафига ўтиш истагини билдирган Альваресдан жуда миннатдор, шу сабабли аргентиналикнинг трансферини амалга ошириш учун бор имкониятини ишга солади.
