“Sevilya” haligacha markaziy himoyachi Serxio Ramos bilan yangi mehnat shartnomasini imzolash borasida kelishuvga erisha olmadi.

Manba ta’kidlaganidek, keyingi bir necha hafta bu masalada hal qiluvchi bo‘ladi. Agar tomonlar kelishmasa, 38 yoshli futbolchi ishini o‘zgartiradi. Ramosga MLS va Saudiya Arabistonidan jozibali takliflar bor.

Xususan, Serxio xizmatlariga “Inter Mayami” qiziqmoqda. Ramos o‘tgan yilning kuzida "Sevilya"ga qaytgandi. La Liganing joriy mavsumida u 20 ta o‘yin o‘tkazib, 3 ta gol urdi.