Yevropa futbolida Yevropa Ligasi chorak finalining ilk o‘yinlari bo‘lib o‘tdi, “Bayer” birinchi o‘yinda Londonning “Vest Xem” klubini o‘yinning so‘nggi o‘n daqiqasida ikkita gol urib, mag‘lub etdi.
Bu "Bayer"ning butun o‘yin davomida uyushtirgan hujumining mantiqiy natijasi bo‘ldi - nemis klubi futbolchilari raqib darvozasiga 33 marta zarba berishdi, bu esa Yevropa Ligasining joriy rekordini takrorladi.
Qizig‘i shundaki, avvalgi natijani ham "Bayer"ning o‘zi o‘rnatgandi. Leverkuzenliklar "Qorabog‘" bilan o‘yinda darvozaga 33 bor zarba berishgandi.
