Italiyaning "Atalanta" klubining belgiyalik yarim himoyachisi Sharl de Ketelare o‘tgan yilgi "Milan"dagi muvaffaqiyatsizliklardan so‘ng joriy mavsumda qayta porlamoqda.

U "Atalanta" ustozi Jan Pyero Gasperini boshchiligida sodir bo‘layotgan voqealardan juda mamnun.

U o‘z murabbiyini qattiqqo‘l, shu bilan birga adolatli mutaxassis deb biladi.

"Gasperini qo‘pol, ammo adolatli va halol. U hammaga maydonda nima qilish kerakligini aniq tushuntirib beradi", - deya de Ketelarening so‘zlarini keltiradi pianetamilan.it.