"Manchester Siti" bosh murabbiyi Pep Gvardiola ketma-ket ikkinchi yil treblni qo‘lga kiritish imkoniyati haqida gapirdi.
“Biz bu taxminiy orzulardan yiroqmiz. Agar Angliya kubogi va Chempionlar ligasining final bosqichiga chiqsak va Premyer-ligada yakuniga ikki-uch tur qolganda peshqadam bo‘lsak, bu haqda o‘ylab ko‘rishim mumkin.
"Chelsi" (Manchester Siti"ning Angliya kubogi yarim finalidagi raqibi) qanchalik kuchli ekanligini va Premyer-liga jadvali qanchalik zich ekanini ko‘rasiz. O‘tgan mavsumda men Angliya kubogi finalida "Manchester Yunayted"ni mag‘lub etganimdan keyingina trebl haqida o‘ylay boshladim. Men uchun bu mavsumdagi muvaffaqiyat shundan iboratki, yakunlanishiga to‘rt-besh hafta qolganida biz hali treblga da’vo qilyapmiz", - dedi Gvardiola matbuot anjumanida.
