"Манчестер Сити" бош мураббийи Пеп Гвардиола кетма-кет иккинчи йил треблни қўлга киритиш имконияти ҳақида гапирди.

“Биз бу тахминий орзулардан йироқмиз. Агар Англия кубоги ва Чемпионлар лигасининг финал босқичига чиқсак ва Премьер-лигада якунига икки-уч тур қолганда пешқадам бўлсак, бу ҳақда ўйлаб кўришим мумкин.

"Челси" (Манчестер Сити"нинг Англия кубоги ярим финалидаги рақиби) қанчалик кучли эканлигини ва Премьер-лига жадвали қанчалик зич эканини кўрасиз. Ўтган мавсумда мен Англия кубоги финалида "Манчестер Юнайтед"ни мағлуб этганимдан кейингина требл ҳақида ўйлай бошладим. Мен учун бу мавсумдаги муваффақият шундан иборатки, якунланишига тўрт-беш ҳафта қолганида биз ҳали треблга даъво қиляпмиз", - деди Гвардиола матбуот анжуманида.