"Bavariya"ning sobiq hujumchisi Mario Gomes Germaniya terma jamoasi darvozaboni Manuel Noyer haqida o‘z fikrlari bilan o‘rtoqlashdi.

"Noyerning jahon futbolidagi ahamiyati nimada? Men uni Lionel Messi bilan tenglashtirgan bo‘lardim.

U bizning sportimizda qanday inqilob qilganini hali hamma ham tushunmaydi. O‘ylaymanki, 20 yildan so‘ng buni tushunish mumkin bo‘ladi.

Manuel darvozabonlar uchun nafaqat qo‘llari bilan, balki oyoqlari bilan ham o‘ynash juda muhimligini aniq ifodalab bergan.

U ushbu ikki a’zosini ham ajoyib tarzda boshqaradi", - deya Gomesning so‘zlarini keltiradi Goal portali.