"PSJ" Kilian Mbappening o‘rniga hujumchi izlashni boshladi va "Inter" markaziy hujumchisi Markus Tyuramga ko‘z tikdi. Bu haqda Repubblica nashri xabar bermoqda.
Manbaga ko‘ra, "PSJ" 26 yoshli futbolchini sotib olish uchun 55 million yevro ajratishga tayyor. Ta’kidlanishicha, bu summa "Inter"ga mos kelishi mumkin.
Joriy mavsumda Tyuram barcha turnirlarda 42 ta o‘yinda maydonga tushib, 14 ta gol urdi va 12 ta golli uzatmani amalga oshirdi. Hujumchining "Inter" bilan tuzgan shartnomasi 2028 yilgacha mo‘ljallangan.
Transfermarkt portali ma’lumotlariga ko‘ra, Tyuramning narxi 60 million yevroni tashkil qiladi.
