"ПСЖ" Килиан Мбаппенинг ўрнига ҳужумчи излашни бошлади ва "Интер" марказий ҳужумчиси Маркус Тюрамга кўз тикди. Бу ҳақда Repubblica нашри хабар бермоқда.
Манбага кўра, "ПСЖ" 26 ёшли футболчини сотиб олиш учун 55 миллион евро ажратишга тайёр. Таъкидланишича, бу сумма "Интер"га мос келиши мумкин.
Жорий мавсумда Тюрам барча турнирларда 42 та ўйинда майдонга тушиб, 14 та гол урди ва 12 та голли узатмани амалга оширди. Ҳужумчининг "Интер" билан тузган шартномаси 2028 йилгача мўлжалланган.
Transfermarkt портали маълумотларига кўра, Тюрамнинг нархи 60 миллион еврони ташкил қилади.
