Ueyn Runi Virjil van Deykning "Liverpul" taqvimi haqidagi tanqidiga javob qaytardi.
Kecha "Liverpul" APLning 29-turidan o‘rin olgan qoldirilgan o‘yinda "Everton"ga imkoniyatni boy berdi (0:2). Shanba kuni bo‘lib o‘tadigan navbatdagi o‘yinda mersisaydliklar "Vest Xem" bilan o‘ynaydi.
Derbidagi mag‘lubiyatdan so‘ng van Deyk "Liverpul"ning navbatdagi o‘yini erta boshlanganidan noroziligini bildirgandi.
"O‘yinning 12:30da boshlanishi haqida yana gapirish vaqti keldi. Bunday uchrashuvlar doim kurashga boy bo‘ladi va menimcha, mag‘lub bo‘lmasligimiz kerak edi.
Endi biz o‘zimizni yig‘ib, shanba kuni bo‘ladigan o‘yinga tayyorgarlik ko‘rishimiz kerak", - degandi "Liverpul" himoyachisi.
Runi Sky Sports telekanalidagi bu gapi uchun van Deykni tanqid qildi.
“Yana bir bor 12:30da boshlanadigan uchrashuv haqida eshitdik. "Liverpul" futbolchilari ertangi bahsga katta energiya bilan maydonga tushishni istashlari kerak, chunki derbidagi mag‘lubiyatdan keyin ular o‘yinlar tezroq tugashini xohlashadi.
Buni yengib chiqing, bu sizning ishingizning bir qismi”, - dedi “Manchester Yunayted” va “Everton”ning sobiq futbolchisi.
