Уэйн Руни Виржил ван Дейкнинг "Ливерпуль" тақвими ҳақидаги танқидига жавоб қайтарди.
Кеча "Ливерпул" АПЛнинг 29-туридан ўрин олган қолдирилган ўйинда "Эвертон"га имкониятни бой берди (0:2). Шанба куни бўлиб ўтадиган навбатдаги ўйинда мерсисайдликлар "Вест Хэм" билан ўйнайди.
Дербидаги мағлубиятдан сўнг ван Дейк "Ливерпул"нинг навбатдаги ўйини эрта бошланганидан норозилигини билдирганди.
"Ўйиннинг 12:30да бошланиши ҳақида яна гапириш вақти келди. Бундай учрашувлар доим курашга бой бўлади ва менимча, мағлуб бўлмаслигимиз керак эди.
Энди биз ўзимизни йиғиб, шанба куни бўладиган ўйинга тайёргарлик кўришимиз керак", - деганди "Ливерпуль" ҳимоячиси.
Руни Sky Sports телеканалидаги бу гапи учун ван Дейкни танқид қилди.
“Яна бир бор 12:30да бошланадиган учрашув ҳақида эшитдик. "Ливерпуль" футболчилари эртанги баҳсга катта энергия билан майдонга тушишни исташлари керак, чунки дербидаги мағлубиятдан кейин улар ўйинлар тезроқ тугашини хоҳлашади.
Буни енгиб чиқинг, бу сизнинг ишингизнинг бир қисми”, - деди “Манчестер Юнайтед” ва “Эвертон”нинг собиқ футболчиси.
