Aleks Baena Federiko Valverde bilan mojaro haqida gapirdi.
La Liganing o‘tgan mavsumi 28-turidan o‘rin olgan "Real" - "Vilyarreal" uchrashuvidan so‘ng Valverde Baenani mashinalar to‘xtash joyida kutib turgani va uning yuziga urgani haqida xabarlar tarqalgan edi.
“Men u bilan boshqa gaplashmadim. Hech narsaga izoh berishni xohlamayman. To‘g‘ri, bu oylar shaxsan men uchun juda og‘ir bo‘ldi.
Yolg‘on gaplar ko‘p edi va oilam ko‘rgan zo‘ravonliklari meni yanada ko‘proq xafa qildi. Bu qiyin paytlar edi va bu mavzu allaqachon unutilgan. Ijtimoiy tarmoqlarga qaytdim, lekin u yerda o‘z qurilmalari ekrani ortiga yashirinadigan odatiy ahmoqlar bor”, — dedi yarim himoyachi.
