"PSJ" yarim himoyachisi Xavi Simons yangi mavsumda yana ijara asosida o‘ynashi mumkin.

21 yoshli futbolchi ayni damda Germaniyaning “RB Leypsig” jamoasida to‘p tepmoqda. Mavsum yakunida niderlandiyalik futbolchi "PSJ"ga qaytadi, biroq Parij klubi futbolchining jamoada qolish-qolmasligi haqida hali bir qarorga kelmagan. Jurnalist Ben Jeykobsning fikricha, Simons yana "RB Leypsig"ga ijaraga qo‘yib yuborilishi ehtimoli juda yuqori. Shu bilan birga, ta’kidlanganidek, Liga 1 giganti o‘sib borayotgan yulduzni sotish haqida o‘ylamayapti - bunday ssenariy faqat o‘ta qulay taklif bilan amalga oshishi mumkin.

Xavi Simons “buqalar” safida 41 ta o‘yinda 9 ta gol urdi va 15 ta golli uzatmani amalga oshirdi.