"Qizil iblislar" hujumchisi Markus Reshford yozgi transfer oynasida klubini o‘zgartirishi mumkin. The Telegraph xabariga ko‘ra, ingliz klubi 26 yoshli futbolchi bo‘yicha tushayotgan takliflarni ko‘rib chiqishga tayyor.
Qayd etilishicha, “Manchester Yunayted” futbolchi bilan xayrlashishga urinmayapti, biroq agar taklif klubga qiziq bo‘lsa va Reshfordning o‘zi ketishga qarshi bo‘lmasa, “Manchester Yunayted” va hujumchining yo‘llari ayrilishi mumkin.
Joriy mavsumda Reshford “Manchester Yunayted” safida barcha turnirlarda 40 ta o‘yinda maydonga tushib, 8 ta gol urdi va 5 ta golli uzatmani amalga oshirdi. Uning klub bilan shartnomasi 2028 yilgacha mo‘ljallangan.
