Italiyaning "Milan" klubi "Portu" bosh murabbiyi Serjiu Konseysau bilan aloqaga chiqdi.
Jurnalist Janluka Di Marsioning so‘zlariga ko‘ra, italyan klubi uni Stefano Pioli o‘rniga o‘rinbosar sifatida ko‘rmoqda.
“Rossonerlar” “Lill” bosh murabbiyi Paulo Fonsekaning nomzodini o‘rgangach, portugaliyalik mutaxassis bilan bog‘landi. Konseysauning o‘zi "Portu" bilan tuzilgan mehnat shartnomasi 2028 yilning yoziga qadar amalda bo‘lishiga qaramay, klubni tark etishga qaror qilgan.
Oldinroq, "Milan" ispaniyalik mutaxassis Xulen Lopetegining Italiya klubini boshqarishi borasida kelishib olgani haqida ma’lumot paydo bo‘lgandi. Ammo muxlislarning bu xabarga salbiy munosabat bildirganidan so‘ng, "rossonerilar" rahbarlari qarorini o‘zgartirishdi.
