"RB Leypsig" yarim himoyachisi Dani Olmo yozda boshqa klubga o‘tishi mumkin. 15 iyulga qadar futbolchining shartnomasida tovon puli 60 million yevro bo‘ladi.
Bu muddatdan so‘ng ispaniyalikning qaysi shartlar asosida sotilishini "qizil buqalar"ning o‘zlari belgilashadi. Olmo xizmatlariga uning sobiq jamoasi "Barselona" qiziqish bildirmoqda.
Agar ular yarim himoyachining transferini amalga oshirishga jiddiy kirishsa, tezda harakat qilishlari kerak. 26 yoshli Dani joriy Germaniya Bundesligasida 4 ta gol va 5 ta golli uzatmani amalga oshirgan.
