«Manchester Yunayted» klubi «Vest Xem» yarim himoyachisi Mateush Fernandeshni o‘z safiga qo‘shib olishga bo‘lgan ishonchini tobora oshirib bormoqda. Bu haqda The Times nashri xabar bermoqda.

Manbaning ta’kidlashicha, 21 yoshli futbolchining transferi taxminan 92 million yevroga tushishi mumkin. Qayd etilishicha, ushbu yarim himoyachiga da’vogarlik qilgan Londonning «Arsenal» klubi buncha mablag‘ni to‘lashga tayyor emasligi kutilmoqda.

Fernandesh «Vest Xem»ning asosiy figuralaridan biriga aylandi va bir nechta top-klublar e’tiborini tortdi. Yakunlangan mavsumda u «bolg‘achilar» safida 38 ta o‘yinda maydonga tushib, 4 ta gol urdi va 4 ta golli uzatmani amalga oshirdi.

21 yoshli portugaliyalik futbolchining transferi Angliya chempionatida mavsumlararo tanaffusning eng qimmat xaridlaridan biriga aylanishi mumkin.