«Манчестер Юнайтед» клуби «Вест Хэм» ярим ҳимоячиси Матеуш Фернандешни ўз сафига қўшиб олишга бўлган ишончини тобора ошириб бормоқда. Бу ҳақда The Times нашри хабар бермоқда.

Манбанинг таъкидлашича, 21 ёшли футболчининг трансфери тахминан 92 миллион еврога тушиши мумкин. Қайд этилишича, ушбу ярим ҳимоячига даъвогарлик қилган Лондоннинг «Арсенал» клуби бунча маблағни тўлашга тайёр эмаслиги кутилмоқда.

Фернандеш «Вест Хэм»нинг асосий фигураларидан бирига айланди ва бир нечта топ-клублар эътиборини тортди. Якунланган мавсумда у «болғачилар» сафида 38 та ўйинда майдонга тушиб, 4 та гол урди ва 4 та голли узатмани амалга оширди.

21 ёшли португалиялик футболчининг трансфери Англия чемпионатида мавсумлараро танаффуснинг энг қиммат харидларидан бирига айланиши мумкин.