Saudiyaning “An-Nasr” klubi hujumchisi Krishtianu Ronaldu klub bilan shartnomasini uzaytirishi mumkin. Bu haqda jurnalist Ben Jeykobs xabar bermoqda.

Manbaga ko‘ra, "An-Nasr" rahbariyati portugaliyalik yulduzni saqlab qolishdan manfaatdor. Qayd etilishicha, Ronalduning o‘zi ham jamoada qolishni istaydi.

Ronaldu 2023 yilning yanvar oyi boshidan buyon “An-Nasr” safida to‘p tepmoqda. Joriy mavsumda 39 yoshli futbolchi barcha turnirlar doirasida 41 ta uchrashuvda ishtirok etib, 42 ta gol urdi va 12 ta golli uzatmani amalga oshirdi.