Gruziya terma jamoasi va "Napoli" yarim himoyachisi Xvicha Kvarasxeliya manfaatlarini himoya qiluvchi futbol agenti Mamuka Djugeli mijozining Neapol klubidagi kelajagi haqida gapirdi.
“Biz qaror qabul qilishga shoshilmayapmiz. Neapol Xvicha uchun ikkinchi uyga aylandi. Biz klubda unga ko‘rsatilayotgan g‘amxo‘rlik va hurmatni qadrlaymiz. U klubga ham, prezidentga ham mos taklif tushsagina ketishi mumkin", - deydi agent.
Italiya chempionatining joriy mavsumida Kvarasxeliya 43 ta o‘yinda ishtirok etib, 10 ta gol va 9 ta golli uzatmani amalga oshirdi.
