"Nyukasl Yunayted" hujumchisi Maykl Ndiveni sakkiz yildan so‘ng "Nyukasl Yunayted"ni tark etishini tasdiqladi.
20 yoshli futbolchi 2016-yilda klub akademiyasiga qo‘shilgandi va noyabr oyida “Chelsi”ga qarshi o‘yinda o‘rinbosar sifatida Premyer-ligada debyut qildi.
"8 yildan so‘ng, endi bolalikdagi klubim bilan xayrlashish vaqti keldi. Bu yillar davomida men 12 yoshli bolakay umid qila oladigan narsalarni boshdan kechirdim.
Premyer-ligadagi debyutimni "Sent-Jeyms Park"da o‘tkazganimni hech qachon unutmayman. Bu yo‘lda menga yordam bergan va bunga imkon yaratgan barcha jamoadoshlarim, murabbiylar va xodimlarga katta rahmat aytmoqchiman.
Bu yerda o‘tgan vaqtimni hech qachon unutmayman", – dedi futbolchi.
